M.S. Excel (एक्सेल) kya hai puri jankari.

Namskar Dosto, Aaj hum Microsoft Excel ke bare me janne vale hai jise shortcut me Ms Excel bhi kaha jata hai. Excel, Microsoft office ka ek Software hai. Yeh ek spreadsheet program hai. Jiska upyog Data entry, Data calculation aur data ke analysis ke liye hota hai. Microsoft Excel Spreadsheet me calculation ke liye Formulas ki ek bahut badi library available hai. Spread sheet me Enter kiye huye data ko arrange karne ke liye function and formula ki list hai.
ms-excel-kya-hai
Excel me bahut sare useful function, formulas hone ke karan yeh software logo dvara bahut pasand kiya jata hai. Aur har jagah Microsoft excel spreadsheet ka use kiya jata hai. Es post me hum aapko Spread Sheet ki Basic jankari dene vale hai jisme hum apko batayenge ki Ms excel kya hota hai, excel kesa dikhta hai aur Excel ke kis area ko kya name se jana jata hai aur excel kaise upyog karte hai iske bare me bhi batane vale hai.

PC/laptop me Excel kaise open karte hai?

Excel ko open karna bahut hi aasan iske liye apko jyada kuch bhi karne ki jarurat nahi hai bas niche batai steps ko follow karte jaye aur Aapke computer/laptop me bhi Excel open ho jayega.

STEP:-1  Taskbar ke Left side me dikh rahe Start button par click kare ab Aapke samne Start menu open ho jayega.

STEP:-2  Ab Start menu me All program par click kare.

STEP:-3  Ab yaha par apko installed software ki list show hogi tab isme apko Microsoft office ke name ka folder search karna hai aur us par click karna hai ab apko Microsoft Excel 2007 ke name se file show hogi us par click kar dijiye.

Ab Aapke computer me Excel khul chuka hai. Aap chahe to es file par Rigth click karke Desktop par iska shortcut bhi bana sakte hai jisse aap kabhi bhi ise aasani se open kar sakte hai.

Ms Excel kya hai? Excel Spread Sheet ki jankari hindi me.

Ms excel ek spreadsheet program hota hai jisme data ko Tabular form me enter kar sakte hai aur usme excel ke function aur formulas ko bhi apply kar sakte hai. Yeh ek Spreadsheet program hai jisme hum bahut bade Data ko bhi badi hi aasani se manager kar sakte hai.

Spreadsheet software ke kuch version hote hai jisme excel ki limit kam ya jyada bhi ho sakti hai, Spreadsheet software version ke hisab se excel file ke extension bhi alag-alag ho sakte hai. Yaha humne excel tab aur unke excel button ke name bataye hai.
microsoft-office-button-ke-name


Software: Microsoft Excel

Extension: 1997-2003(.xls), 2007-2016 (.xlsx)

Work Book - Excel ki ek file ko Work Book kaha jata hai. Ek Work book kai sari sheets ka group hoti hai. Excel work book me pahle se 3 Sheet hoti hai- Sheet1, Sheet2, Sheet3.

Worksheet - Ek worksheet Cells ka collection hoti hai jaha par hum apne data ko rakhte hai aur manipulate karte hai. hum ek work book me kitni bhi work sheet ko khol sakte hai.

Row, Column and Cell- Sheet me kai sari aadi (Horizontal) line hoti hai jise Row kahte yeh Sheet me by default 1,2,3 name se hoti hai aur Ek Column cells ka khada block hota hai jo ki A,B, C ke name se hota hai ise Column kaha jata hai.

Quick Access toolbar:- Yaha par hume excel me use hone vale shortcuts mil jate hai. Jese Undo, redo, print etc. Hum directly click karke yaha se access kar sakte hai.

Office button:- Office button pure ms office package ka main button hai. Yaha par new file lene, file open karne, file save/save as, Print, sheet ko lock karne ke option milte hai.

Formula Bar- Ye ek tarah ka Bar hota hai jaha par hum apne hisab se formula ko likh sakte hai. Hum formula ya function ko yaha se bhi badal sakte hai. Agar humne kisi cell me formula apply kiya hua hai to yaha se formula check kar sakte hai.

Name Box - Yeh box formula bar ke Left side hota hai jo har kisi Cell ki locatiom, chart ya Object ki status batata hai.

Yeh bhi padhe 👇


Scroll Button/Bar - Scroll Button ka prayog sheet par drop down karne ya upar niche jane ke liye kiya jata hai.

Title Bar - Title Bar ms excel ke sabse upar ka bhag hota hai isme file ka name show hota hai. By-default iska name Book1 ke name se show hota hai agar hum file ko kisi aur name se save kar dete hai to jis name se humne file save kar di hai. Tab title bar me vah name show hone lag jata hai.

Ribbon - Yeh menu Bar ke niche hota hai es bhag me menu bar me jo vikalp hote hai ko isme dikhya jata hai.

Active Worksheet - Present me hum jis sheet ko open karte hai aur jis par work karte hai use Active worksheet kaha jata hai.

Sheet Tab -  Yeh ek tab hoti hai jaha par sabhi worksheet ka name show hota hai aur yaha se hum kisi bhi Sheet1, Sheet2, Sheet3 par ja sakte hai.

Type of Cell Address:-

Referential: yeh formula me sabse adhik use hone vala cell Reference hai. Relative cell reference basic cell reference hai jo apne Aap badlav ko adjust kar leta hai jab copy paste ya auto fill ka use hota hai. Example: C12.

Absolute:- Kabhi kabhi esi situation aati hai jab copy paste ya auto fill ka prayog karne ke baad bhi kisi cell reference ko roke rahna hota hai tab Dollar ($) chinh ka prayog karke kisi column ya Row ko Reference se roka ja sakta hai. Example:- $C$12.

Mixed :- dono ka prayog kar sakta hai. Example: C$12 or $C12.

Ab to aap smjh hi gaye honge ki excel kya hai aur excel ki tab aur button ke name kya hai. Excel ki isi tarah ki aur bhi jankari ke liye hamari new post padhte rahiye.

Tag: excel kya hai, ms excel kya hai, excel ki puri jankari, excel button ke name, excel tab ke name, excel sheet kya hai,

No comments:

Post a Comment

Apna Comment Kare